Chapter Seven: 謝謝「關心」! | 媽媽牌同盟 MamaMilk Baby Alliance

Chapter Seven: 謝謝「關心」!

chapter 7

「妳全人奶?好麻煩喎~ 」「妳仲餵梗?」「妳諗住餵到幾時?」「餵幾個月咩都夠啦!世衛都係話6個月~」「係時候戒啦!」「妳肥咗好多,我爭D唔認得你。」「我個個朋友都餵奶粉,BB一樣健康!」「餵人奶唔衞生!」「下?喺度餵?人地望住~ 冚住塊布餵都唔好睇啦,焗到阿B~ 」「呢幾年興,人地餵你又餵呀~」「你睇BB幾黐妳身,好難湊,我抱下都唔得~」「邊有咁大個仲食人奶?」「人奶B一日好多次臭臭,又稀~」「你唔駛做唔駛番工梗係餵到!」「餵人奶無覺好瞓,妳殘咗好多。」「日泵夜泵咩時間都無晒,唔係辦法~」「d明星都賣奶粉廣告啦,幾多人搶住買奶粉。」「餵人奶甩好多頭髮架~」「以前d奶粉就話無益啫,而家進步好多啦~」「你餵得幾耐,阿邊個同邊個生完都話餵,好快無奶啦~」「唔餵人奶坐完月可以減肥啦。」「餵奶粉BB好瞓好多,瞓得多BB就肥肥白白。」「人地個B幾大隻,又精靈。」「奶粉貴,但你要食咁多飲咁多上奶嘢,咪一様要錢。」「太困身啦,餵咁密,陣間有人上嚟睇BB呀~」「佢個B又係食人奶,成面粒粒~」「阿媽病咗要斷奶,咪傳染俾BB~」「妳食埋D無營養嘅嘢,俾人奶BB食咁咪仲無益~」「人奶B通常有濕疹~」「妳睇下,又喊,又食唔飽喇~」「樽奶咁水咁透明?」「妳俾佢啜慣瞓,唔識自己瞓~」「妳睇!咪一會病會發燒!」「D奶雪到凍冰冰邊有益?」「佢喺街都會成日哄落你心口,好失禮~」「BB食咁少飯,因為食太多奶啦!」

謝謝大家一直以來這麼「關心」我,餵哺母乳,說到底只是媽媽和寶寶之間的事,一切決定權也在於媽媽。母乳餵哺引起了多少謬誤,又證實了有多少好處,我也不想向你們重複解釋說明了。我們最需要的是空間,也感謝你們的「關心」鞏固了我們的意志,令我們更加想越過困難更加想堅持更加想盡力將最好的給寶寶。

 

Please follow and like us:

Comments

comments

標籤 , , , ,
分類: 1點畫一滴 Draw The Drops(Nie Chamak)