媽媽牌同盟【2016母親節母乳快閃行動】 | 媽媽牌同盟 MamaMilk Baby Alliance

媽媽牌同盟【2016母親節母乳快閃行動】

mamaflash2016

 

第4年啦!第四年啦!今年又加入左好多新手奶媽!趁住母親節,一齊嚟玩我地嘅「母乳快閃」! 帶埋BB一齊出嚟快閃餵奶/泵奶,比大家睇下餵人奶係有幾型英帥靚正!

一年一度嘅奶媽界盛事,你唔係唔玩呀嘛,點知下次果時BB離左乳未!

快閃目的:喚起公眾關注母乳餵哺的重要及需要
今年主題:公共交通工具的母乳餵哺情況

日期:2016年5月7日 (星期六)
集合時間:下午3時正
集合地點:大圍站D出口對開空地
快閃地點:站內大堂及馬鐵車廂內
費用:車費自付

參加者可獲「快閃奶媽扇」,歡迎參加者依個人意願選擇是否付款,銀碼隨心~
參加辦法:先登入媽媽牌同盟網頁,免費申請作會員,就能進入以下報名表連結:
媽媽牌同盟【快閃奶媽扇】登記表

*未能出席而又想購買【快閃奶媽扇】以作支持的你:請Click Here^^

 

Dress Code:

1. 埋身媽:你個人奶B﹑餵奶衫﹑餵奶巾
2. 泵媽:你個人奶B﹑你個「戰友」奶泵(快閃時拎住,比大家知道泵媽都係奶媽,泵奶有幾重要!)
(屆時天氣酷熱, 以盡量通爽為主)

 

快閃流程:

1. 於下午3時正集合,於大圍站D出口對開空地(點名﹑派發「快閃奶媽扇」﹑大會攝影師為奶媽拍攝留念﹑奶媽相認嘻哈)

2. 3點半於站內大堂快閃

3. 閃完可自行決定跟隨大隊上馬鐵,在車公廟站下車,到站外接受記者訪問。

 

注意事項:(一定要睇)

1. 「快閃奶媽扇」:參加者依個人意願選擇是否付款,銀碼隨心,於活動前以銀行過數(恆生銀行Mamamilk Baby Alliance:933-054348-001)或即場於點名時交給義工。所有收益均用作支持媽媽牌同盟社團運作, 包括申請成為免稅慈善團體,籌辦義工訓練﹑母乳產前講座等。我們十分需要大家支持,務請慷慨解囊,為推廣母乳餵哺出一分力。

2. 出席者必須填寫「快閃奶媽扇登記表」,以便大會預算人數,安排當日義工人手,預算「快閃奶媽扇」數量,以確保所有親子也獲得分配。(如有剩餘「快閃奶媽扇」才會依次派發予即場登記者)

3. 請準時集合,逾時不候。

4. 快閃為個人意願及行動的表彰, 不從屬任何組織,參與者需自行承擔風險及安全責任。

5. 一如以往,大會已安排攝影師為大家免費留倩影,並提供原檔下載。照片會由媽媽牌同盟及攝影師本人作公開用途,敬請留意。

 

惡劣天氣下之活動安排:

如活動開始前2 小時懸掛三號或以上颱風信號,或紅色 / 黑色暴雨警告信號已經生效,不論信號於何時除下,該日活動亦將會延期,並另行通知。

Please follow and like us:
對象
歡迎所有母乳媽媽,埋身媽、泵媽、離乳媽無任歡迎;老公、家人,歡迎你哋到場潮撐我地!
日期
2016年5月7日
時間
3時正
地點
大圍站D出口對開空地 (集合)

Comments

comments

標籤 , , ,
分類: 最新活動